رأى
عشقتك دار
شعر: سيد جاد
عشقتك دار.
عشقتك نجم يخلق في الليالي نهار
عشقتك فجر بيشقشق
فتتلألأ
نجوم قلبى ف أحلى مدار.
عشقتك شيئ مايتغيرش
ثابت في زمن دوار.
عشقتك أحلى شيئ فيا وشوفتك جنتى ف النار.
عشقتك حب يضرب قلبى ويلاقي على الطبطاب.
عشقتك حب رما سهمه على قلبى و سهمه صاب.
عشقتك حب بقى أهلي
و بقى ناسي.. بقى الاصحاب
عشقتك حب لخص لي حياتي فيه
ولما اشتاق اشوف ف الكون حاجات حلوة
اروح عنده
الاقي فيه ما لذ و طاب.
عشقتك نسمتي ف الحر
عشقتك رحلة تحلالي
عشقتك مرسى ترحالي …و شط و بر
عشقتك تلمسي الصحرا .
في قلبى قوام… قوام تخضر
بقيت عايش معاكى فيكي وياكي.
ومنك.. بيكي.. ومعاكي.
خلاص يا حبيبتى خلصتي حروف الجر.
