سيدى الرئيس !
شعر: المهندس عبد الظاهر حافظ
قبل حلف يمين الرئيس عبدالفتاح السيسي، فى دورته الثانية للرئاسة..الكل بيقول عاوزين إيه ..وإمتى ..وفين. وانفعل المواطن المصري الأصيل. المهندس عبد الظاهر حافظ ..ليوجه رسالة للرئيس فى أبيات شعرية قائلا:
سيدي الرئيس.. بيك دايما شعبك يستغيث
هاقولك كلمتين.. قبل حلف اليمين
اوعى الغلاء.. فى السولار والبنزين
لأجل المصريين . .اللى طلعوا عشانك في كل الميادين
هاقولك الصراحة. .الحياة غلاء ومافيش راحة
وعارف… أن ما بيدك حاجة
وغلوا المترو ..وخدوا قرارات
وقالوا الريس.. أعطى التعليمات
وف تشكيل الوزارات. .. تكون خارج التشكيلات
كفاية أذى ..لأصحاب المعاشات
هاقولك مصيبة في إحدى المديريات
صوت وصورة..اتمسك وكيل وزارة
وله قضية …جنح الأزبكية 2999 لسنة 2017
وتم الافراج .. على ذمة القضية
وصدر له قرار.. مية مية
بقى مدير عام للإدارة العامة للمجتمعات العمرانية
بوزارة الشؤون الاجتماعية
وماننكرش..إن “عرفان ” مابيرحمش
وهو رمز الأمان. .اديله صلاحيات كمان وكمان
دى الرقابة الإدارية.. رجالتها مية مية
دوول زى الموساد ..على أى فساد
وكلنا وراك ومعاك!
