بقلم: إيمان شلبى
الام هي الحضن والصاحب والدفا والحمايه والسند – قالوا لو امك بخير تبقي الدنيا كلها بخير – لو امك موش موجوده موش بيتبقى يتيم بتبقي لطيم – بتدور علي حضن وصاحب وسند.
* امى امى!
امى راحت للارحم منى ومن غيرى عليها – الدنيا حواليا وااسعه.. احساس غريب.. كلها هوا – مافيها حيطة اتسند عليها ولا ونيس اشوره واتونس برأيه، ولا حد يفرح بيا وبنجاحاتى وتفوق اولادى ماعاد حاجة ليها طعم ولا احساس ولا فرحة!
* احضنوا الايام لا تجري من ايدينا!
يا ولاد.. يا بنات.. دوروا علي حضن اهاليكم.. ابوكم وامكم.. اشبعوا منهم.. اتوانسوا بيهم.. احفظوا نصايحهم وخدوا حضنهم.. بوسوا ايديهم قبل ماييجى وقت تندموا علي لحظات عدت بدون ما تشبعوا منهم – رحم الله من سبقونا وتركونا – وحفظ ورضي عن من بينوروا حياتنا وبيسندونا وبيونسونا.
