فرحة استلام سينا …يا ولاد!!!

شعر. عبد الظاهر حافظ

بمناسبة عيد استرداد أرض الفيروز الغالية والاحتفال بالذكرى 37 على تحريرها…إنفعل المواطن المصري الأصيل المهندس عبد الظاهرحافظ ،وقام بسرد تلك الأبيات النثرية قائلا : 25 أبريل …كان فرحة استلام سينا ياولاد.

سألني النجم وعوذه…ليه يا خالو يوم الخميس اجازة.
و كالعادة بلماضة…قال عوذه احكي بإستفاضة.
والنجم قال… قول يا خال.
وقالت رودينا وجنا الجميلة… قول يا خالو القصه لينا.
و سؤال ف عباره… قالتها يارا…
ليه عيد تحرير سينا…قول القصه كامله لينا.
والكل قال… احكي يا خال… تاريخ الأبطال.
وبدأت القصه تنقال.
قولت ف اوائل السبعينات…
مسك الجد السادات… قيادة البلاد.
وبذكاء ودهاء… جهز الجيش للأعداء.
وكل مرة استعداد… تقول اسرائيل هيضرب فينا السادات…     ويرد بثبات… ويقول لعب اولاد.
وف اليوم المعهود… وكان يوم للتاريخ مشهود.
زينة الشباب. واول الشهداء…
عاطف السادات… راح شهيد لاجل البلاد.
وده كان أول طيار… طلع بطيارته م المطار…
وعل العدو طار… ودي كانت فتحة الانتصار.
وكانت صرخة قوية لجولدمائير…
وجريت على أمريكا تطير.
وخلال ست ساعات… اعلنها السادات…
وقال رجعت سينا يا ولاد.
والجد العقر… خلى العدو بالهزيمة يقر.
وبعدها تمت المعاهدات…
و25 أبريل كان هو الميعاد…
وكانت فرحة استلام سيناياولاد!