كشفت مصادرنا المؤامرة الخسيسة التى أشرف عليها مسؤولي بالإتحاد المصرى لكرة القدم والتى أودت بالعرض المخزي والأداء الغير مشرف لمنتخب المحروسة والتى نرصدها علي النحو التالي دون تحرير من جانب الدبلوماسي:
الناس اللى اول ما اتأهلنا وانا مسجل على موقع الفيفا للحصول على التذاكر وخلال٧ شهور لم يحالفنى الحظ انى اشترى تذكرة لمصر وروسيا اللى على طول الموقع بيقول انها اتباعت وده من اول يوم ..
كنت مستغرب جدا بس كنت بقول ده ماتش روسيا واكيد جماهيرهم هتملى الملعب واحنا لينا مدرج صغير واكيد مش هيكفى حد واضطريت انى اشترى تذكرة مصر والسعوديه من باب انها تأشيرة وخلاص وربنا يسهلها هناك.
المهم وصلت روسيا ووصلت لواحد عالفيس بوك عرضها ب ٣ اضعاف تمنها قولت مش مهم.. المهم انى لقيت حد لان نص المصريين فى روسيا قالبين الدنيا عالتذاكر، المهم بقولة نتقابل فين. قالى فى فندق اللاعيبه….استغربت جدا بس روحت وطلب منى ادخله جوة فى اللوبي ومن هنا بدأت المفاجأت!
اولا دخلت الفندق من الباب عادى محدش قالى رايح فين ولا جاى منين لقيت بقى شلة الانس كلها جوة وسكر وعربده حرفيا وعادى جدا الدنيا بيس..
المهم قابلت الولد وادانى التذاكر وعرفت انه ابن حد من المسؤلين فى اتحاد الكورة ومعاة تذاكر كتير..ببص عالتذكرة لقيت مكتوب عليها تذاكر آسر اللاعبين قولت وماله.
روحت الاستاد لقيت روسيا اصلا ادت لمصر عدد رهيب من التذاكر يقدر ب حوالى 30.000 الف تذكرة الجمهور العادى اشترى حوالى 5000 والباقى اتوزع بالتعريص على المسؤلين وولادهم اللى باعو التذاكر!
وعملو احلى مصالح على الناس ساعتها بس عرفت انا بقالى 7 شهور مش عارف اجيب تذكرة ليه وطبعا هما اشتروا التذاكر دى تحديدا لانها مع البلد المضيف وفى اجمل المدن الروسيه ….اوساااااخ.
إلي هنا تنتهي الرسالة.. ونعتذر عن المفردات النابية، إلا أنها تعبر عن صرخة وطني حر .. والرسالة تؤكد حسرة وحزن محمد صلاح وكشفه للمستوووووووور!
