شعر: عبد الظاهر حافظ
نفحات شهر رمضان الكريم تهل علينا بالخير والبركة..ويعد مدفع الإفطار ” اضرب” أبرز سماته الذى ينتظره الصائمون، على ” لمة” مائدة الافطار وانفعل المواطن المصري الأصيل المهندس عبد الظاهر حافظ بأبيات نثرية قائلا:
يامدفعجى رمضان!!!
يامدفعجى رمضان..قوم اسمع الأذان
واضرب رصاصة فى الميدان
عشان يفطر عم شعبان ..وتفطر كل الناس كمان
وعم طاطا.. بكل بساطة
قال …كلنا…نفطر مع بعضنا
وعم عوذة. .حط العصير فى الإزازة
وعم زين..حضر قمر الدين
والبت بهية..ساعدت امها فى عصير المشمشية
وشوفوا كرم العمدة فرج
…بيفطر خفر الدرج
ورجعت تانى سلطان زمانى
اقوول موالى ياعينى يالليلى
وقوم ياواد يانادى. . اسمع مسحراتى بلادى
وياللا ياعصفور. .ولع الريحان والعطور
عشان رمضان هل هلاله من الرحمن
يامدفعجى رمضان ياللا اضرب رصاصة فى الميدان!!!
