زيارة البابا تواضروس للقدس لأهداف دينية وليست سياسية

حكمة قداسة البابا ، خلاصة الكلام واعتبرونى مقولتش حاجة زيارة البابا واجبة اه واجبة واى حد بيفهم فى الاصول مش فى الطقس الكنسى بس يعرف ان البابا راح يكرم رجل افنى عمره فى خدمة الكنيسة وينفذ وصيته بدفنه فى القدس امال ايه اللى حصل ؟؟! اللى حصل هو بالونة اختبار اتنفخت فى وش الاعلام واشتغل ياعم على الكنيسة والبابا شوية عشان نشوف الاقباط هيوافقوا على اللى مقدرش لا السادت ولا مبارك يعملوا ويخلوا الكنيسة تتراجع عن موقفها الوطنى من عدم زيارة القدس وبالمرة نزل كام خبر انه ركب مع السفير الاسرائيلى الطيارة وانه هيقابل مسؤلين من الكنست هناك وهات كام واحد زى نقيب الصحفين وكام كاتب واعلامى يزايدوا على الكنيسة وراعيها طيب والنشطاء لا لا دول مش محتاجين توصية هما متربين على قلة الادب طيب والمفكرين الاقباط ؟

يعنى ايه مفكرين اقباط هو دول بيفكروا والباقى مبيفكرش وياسيدى هاتهم بدل ما هما على المعاش مش لاقين حاجة والنتيجة زى مانتوا شايفين طيب خلصتوا خلصتوا خلاص قوموا روحوا نشوفكم فى بالونة جديدة تتنفخلكم كنيستى وراعيها على ثوابت وطنية يشهد لها العالم وامثالكم من الحقارة الفكرية مجرد عرائيس ماريونت يحركها من هم خلف الستار والستار شفاف يا عقول عجاف والزيارة انسانية استثنائية لصلاة الجنازة للرجل الثانى بالكنيسة وفقا للتقليد الكنسى وهو مطران القدس والبابا تؤاضروس اذا لم يذهب فهو قد قصر فى واجبه أتجاه رعيته شكرا قداسة البابا على زيارتك وثبات موقفك الوطنى الذى تسلمته من البابا شنودة والمجمع المقدس فقرارك حكيم ، ليعى أقباط مصر والعالم حكمة قداسة البابا.