فداك أبى وأمى.. يارسول الله!

شعر: سيد محمود

معلش حقك علينا………..ضيعنا حقك علينا
ونسينا حقك علينا……….ياخاتم المرسلين

لا صومنا يشبه صيامك…….ولا دوقنا متعة قيامك
وهجرنا حكمة كلامك ……..ضيعنا دنيا ودين

بنمن بلسان يصلى…..والقلب غافل تمللى
عن ذنبنا وانت ياللى……رؤوف علينا وأمين

ياللى بهداك اهتدينا…..وف سكتك لومشينا
هنشوف مصيرنا بعنينا…..فى جنة المؤمنين

سبناك يعيبوا ف جنابك……وانت اللى لحظة ف رحابك
تحلالنا وف قرب بابك……دى واحة المحرومين

رسموك وسبوا وعابوا……والكفر فرحان شبابه
والمسلمين اللى غابوا……غايبين ومتغيبين

فداك أبويا وأمى…..وروحى ترخص ودمى
لغلاوتك انت يا أمى…..علمت متعلمين

يا دنيا شاهدى وباركى…..ومعانا قاومى وشاركى
دينى غالى وان دينيماركى…..شتم وعاب الأمين

الله ده هو حبيبه….ودوا جراحه وطبيبه
ولا لحظة ممكن يسيبه….وكفاية هو المعين

ولسوف يعطيك قالها….بلسم تداوى بجمالها
تعمل مع الناس عملها….ما اعرفش ليه قلقانين

لنبينا رب يحاميله……مادام فارقنا سبيله

الموت معاه عزرائيله…..هياخد الكـــافرين
لجهنم اللى لظاها……قرب فساعة وضحاها
من أجل ما يعز طـــــه…..وينصر المسلمين