تايهين

شعر: د. خالد القطب الشهاوى

أستاذ مشارك اللغة الإنجليزية وأدابها

تايهين لا نعرف على فين رايحين

ولا عارفين خطوينا وخدانا لفين

غرقانين في بحر القسوة اللعين

لا في يوم عيد حنت علينا الأيام

ولا يوم ضمتنا لحضنها السنين

نجري ونشقى وأخرتها راقدين

في مكان راعبنا كلنا واحنا عيشين

يا دنيا حنّى علينا واسقينا من شهدك

احنا غلابة كلنا رجا في اللي عندك

متبخليش على ناس وتسخي مع ناس

خليك مع كل الناس بإيْد سخيّة تتباس

الناس كلها تعبانة وانت بلا إحساس

كفاية بسمة تمسح دمعة قلب انداس

وضحكة منك تخليه طائر مع الطيرين

بأجنحة السعادة فوق سُحُب المتيمين

يروح بعيد لعالم خالي من المتلونين

يبحث فيه عن لقمة عِيشه مع الملايين

عشان بس يظل عايش وسط العيشين

لا يوم هيرسى فيه على شط الشقيانين

ولا في يوم هيقدر يدفن جواه الأنين

ولا الحزن الجبان في صدره هينام

الناس تبص في وشه يفتكروه تمام

معذورين عشان هم مش فاهمين

الجسم ما عاد يتحمل يوم بهدلة

في دنيا كلها ناس مدمنين الهرتله

ليل نهار صارت عيشتهم مقندله

وخشامهم بخيوط الصمت متكممه

وهيعيشوا ويموتوا وهما على كده