بقلم: إيمان شلبى
أخر ما شوفت – الاب والام بيخربوا بيت بنتهم دا ليه علشان يعنى كبروا وعايشين لوحدهم وعاوزين اللى يسليهم ويخدمهم – اوم ايه نيجى علي البنت اللي عايشه مع زوجها وعندها ولد وبنت زى الورد والراجل ياولداه شغال ليل نهار علشان ويوفر عيشه هنيه لعيلته وراح تعب نفسه وحوش وجاب حته ارض وبنى عليها بيت يلم أسرته مراته وولاده – لا يا بت اطلبى منه يكتب لك جزء من املاكه يا بت لازم يحط لك رصيد في البنك يا بت لو ماسمع الكلام اهجري فرشته وبعدين لمى هدومك وتعالي عندنا – وتروح وتاخد ولادها وتحرمهم من عز ابوهم – وترفض اى حل يقدمه سيدنا الافندى – عوزه ايه موش عرفه، يكتب لي شقة ، يكتب لي فيلا طب هو قصر في حقك وحق أولادك، طب ايه الحل ويفضل يتحايل ويرسل المراسيل ويكلم ابوها ويكلم اخوها لا موش راجعة – ليه لان للاسف مالهاش كبير وهما بيتلككوا علشان تفضل عندهم ، وتعدى السنوات ياولداه وهو يتحايل، الولد كبر ودخل الجامعة والبنت كبرت ومحتاجه رعايته – طب يعمل ايه واخيرا راح خطب واتجوز في البيت اللى كان بانيه علشانها وعلي فرشها، جت تسرخ وتقول بيتى وعفشى جاب عليهم واحده تانيه خدى حاجتك وخدى بعضك وروحى عند ابوكى ما انتى ماعدتي حاضنه وخرجتى وحرمتى نفسك من عز جوزك اللي اتجوز واحده خدت العز كله وسابك تعضى في صوابعك – ارتحتى يا امى ارتحت يا ابويا خربتوا بيتى علشان تتسلوا وتتونسوا بي- بوكرة الشيب والحانيه ياكلوا عظمك وما تلاقى السند الونس لا من ابوكى ولا من جوزك ولا ابنك وبنتك ، اللي لسه هيحاسبوكى علي قراراتك.
