كلمتين ونُص!
بقلم: إيمان شلبى
اخدتى الشقة والعفش وعملتى ايه بعدها? قلتى موش مستحمله اعمل شاى كل شويه واقف في المطبخ كل يوم؟ – لا.. دا انا أسيبه واشوف حياتى مع اصحابي اللي ما اتجوزوش واللي اتطلقوا وبقوا من غير مسؤليه – يا خايبه يا اللي من غير عقل دول هدموا بيوتهم وعز عليهم يشوفوكوا في عيله وراجل وولاد وحضن ودفى العيال وابوهم – ايه الهدف من الفضى يوم روحنا كافيه ويوم شربنا شيشه ويوم روحنا سينما؟ – هو دا الهدف من الحياه الفراغ وفسح ولا مسؤليه و بدون هدف؟ ايه قيمه حياتك وانتى شايفه جوزك وابو العيال بيكبر بيكى وليكى في عمله وتتباهى بيه وبنحاحه؟ ايه قيمه الحياه وانتى مربيه طفل او طفله بدون نجاح مستمر في المدرسه وفي الحياه لو ابنك اتربي بين والديه اكيد هيكون شبعان حب وعقل ممكن بوكرة يبقى عالم او باحث او متفوق رياضيا – و الناس كلها بتهنيكى عليه ويقولوا تسلم الام اللي ربت – والله اللي نصحتك بخراب بيتك وعيشتك في فراغ، اول واحدة حاقده علي حالك ولو عندك اى مشكله اول واحده تهرب منك وتبعد عنك.
فوقي يا ام فوقي.. يازوجه فوقي واقفى خلف زوجك وربي ابنك ليصبح متفوق وعالم الناس كلها تشكرك عليه في الدنيا – وتستحقى تبقي الجنه تحت قدميك في الآخرة.
